][طـــــــلآل الرشيـــــــد][

مســآء / صبـــآح .. آلج ـوري ^_^ ,,

موضوعي اليوم عن طلال الرشيد اللـه يرحمـه ,,

وإن شـاءاللـه يعجبكم ,,~*~

[آخـر حبّ]





كنت احسب اني عرفت الحب قبل اعرفك
وعشقت قبل اعشقك واشتقت قبل التقيك

وكنت احسب اني لقيت احباب قبل اوصلك
واثري توهمت في غيرك وانا كنت ابيك

تعال نعطش وتشربني وانا اشربك
تعال قبل الوعد اجلس معي نحتريك

تعال شفني وانا استناك ك اشبهك
يطري علي الف راي و راي واحتارفيك

اجي مكان الوعد والا اسبقه انطرك
والا آخذ الموعد اللي يحتريك واجيك

يا آخر الحب ذقت الحب في اولك
ويا اول الشوق اقصى الشوق ما ينتهيك

علمتني كيف اعرفك لين صرت اجهلك
ضيعتني في متاهاتك وكنت ارتجيك

حبيب الاحلام يابعدك ويامقربك
حرام يكفي تبعثرني وانا احتويك

ان شفتك بحلم صدقته وانا اتوهمك
وان شفتك بعلم كذبته الين انتشيك

اخاف اغمض عيوني وان رمشت افقدك
واخاف افتح وتصبح حلم ولا التقيك

[بعض أحـوال]





أنا مقدر أكون .. اني حبيب في بعض أحوال
أنا كلـــــي أجـــي .. والا أروح بعزتـــــي .. كلـــــي

تخيرت الفراق وما دريت إن الفراق وصــــــال
أقــــول اني نسيتـــك بس مدري كيف تاصـــل لي

خذاني لك سؤال في عيونك و الجواب محال
خذاني منـــك دمــــع في عيوني مارضــى ذلـــي

رحلت انت وتركت بداخلي طيفك و صبر طال
غدت ذكـــراك شمس ما تغيب و صــــورتك ظلـــي

حكيت و مالقيت من الحكي الا الـندم مــوّال
سكت ومت بالحسره ولا ادري وشهو احسـن لي

أحبــــك كل ما فيني يحبك يا خلي الــبــــال
تخيلتـــــك دواي و صرت جرحي الصعــــب يا خلّي

تعبت أرحل مع وجيه البشر بانساك بالترحال
و لا ادري وش يجيبـك في وجيــــه النــاس واهلّي

[حكـوا فيهـا]




حكو فيها خذوا في طاري الحلوه وجابوا
مسكينه بسيرتها تنابوا
واظن الصدق لشفاهم أبد ماهو قريب
بشر يا مصعب رضاهم .. وأنا ماني حسيب
أنا سايق عليك الله لاجل الله يا شامت تخلي الشوك من يدك
ولا تطرف عيونٍ كحلت بالزين لا نامت..
أنا فداها إذا ودك
ياهل ترى إنتي وين يابنت الشفاة؟
أنا ادور عليك بصورتك وينك؟
أنا كني لمست رداك وايدينك
ماشفتك بكل الكلام شفتك على سجادتك
كنك تصلين القيام وليلك سرى بعبادتك
ما أصدقه والهرج أبد ماهو دليل
ماصدقه ياعل يفداك الدليل
الــلـه يستر خوافيها .... الي حكوا فيها

[جتني]




جتني وشافتها عيونٍ حايرات
ذا شعاع الشمس أو هذا سناها
ضاعوا ألي جو معاها مسيرات
وأقبلت تمشي تقل محدٍ معاها
ياسنم فضه وياجيد المهات
ياشذى نبت الخزامه في وطاها
قلت كن بوجنتك زهر النبات
قالت إن الرمش يجرح لي صفاها
تجرح الظلمه عيونٍ ناعسات
سلهمت وأغضت تغطرس في بهاها
حققوا بالشوف في لون الشفاة
هو خذا منها الشفق والا عطاها
ولو ظلام الليل يعطينا ثبات
فيه من لون الشعر والا كساها
كيف أباصف زين كاملة الصفات
كيف أباصل في حروفي منتهاها

وبسس ^_^ ,,